Profª. Drª. Susana Álvarez González
Curriculum
Profesora Contratada Doutora de Filosofía do Dereito da Universidade de Vigo dende 2011.
A súa traxectoria académica atópase vencellada fundamentalmente a esta Universidade, onde se doutorou en 2006, coa tese “O Dereito á autodeterminación informativa: mecanismo de protección da persoa frente ao tratamento dos seus datos xenéticos”.
Premio extraordinario de doutorado no 2007, a súa traxectoria investigadora centrouse prioritariamente no estudo da fundamentación, recoñecemento e protección dos dereitos fundamentais, en xeral, e da protección de datos persoais en particular. Algunhas das súas publicacións nesta temática son “Dereitos fundamentais e protección de datos xenéticos”, Dykinson, 2007; “A utilización de datos xenéticos polas compañías aseguradoras”, Fundación MAPFRE, 2006 ou “Historia clínica e protección de datos persoais. Especial referencia aos portadores do VIH”, Dykinson, 2011. Ten participado en numerosos proxectos de investigación de ámbito nacional, estatal e autonómico, entre os que destaca o programa “O tempo dos dereitos” Consolider-Ingenio 2010, no que coordina o grupo HI13 da Universidade de Vigo. Asimesmo, ten intervido coma profesora en diversos cursos e programas de doutoramento e maestrías en España e no estranxeiro.
En relación coa temática do proxecto “Desenvolvemento rural sostible en territorios insulares e costeiros. Especial referencia aos países en vías de desenvolvemento e á promoción de sectores de poboación vulnerables –DERTIC-“ podense sinalar, entre outras, as seguintes aportacións: “Notas sobre a protección do medio ambiente na Constitución Española” en Políticas Públicas Ambientais, Arcibel Editores, 2008; “Os atentados graves contra o medio ambiente coma inxerencia na vida privada e familiar na xurisprudencia do Tribunal Europeo de Dereitos Humanos”, en "Os novos retos da sostenibilidade e a protección ambiental: reflexións dende as dúas beiras", Arcibel Editores, 2009 (ambas en colaboración coa profesora Ana Garriga Domínguez) ou “Desprazamentos transfronteirizos forzosos por causas medioambientais: a necesidade de buscar unha nova categoría xurídica para a súa protección”, en Agua&Derechos Humanos, 2011.